August 25, 2024: RPP para CM ke letter likhi kena koishey ki, “Respected Sir, Moi khan lag aitu recommendation letter khan karney, itu Hon’ble Advisors, Shri. Zhaleo Rio aru Shri. Tovihoto Ayemi para likha laga, itu duita individual khan laga nomination nimitey, itu Muslim aru Gokha community para, itu Dimapur Municipal Council (DMC) karney. Moi khan toh, moi-khan laga opposition express kuri asey, itu propose kuri kena thaka move ke. Itu Naga student community para toh hoiley strict para, agey ahishey, itu proposed nomination laga against tey, valid reason khan cite kuri kena, arum oi khan tai khan lag aitu concern khan logotey khara kuri asey. Itu issue laga opor tey, itu indigenous Naga tribe khan chari kena, tatey toh alag non-Naga indigenous tribe khan bhi asey, Kuri khan, Garo khan aru Kachari khan, aru kiba nomination kuriboley asey koiley, itu indigenous tribal community khan bhitor para bhi kuriboley paribo, itu state laga.etc koi kena janaishey.
Risin People’s Party para letter issue kurishey CM ke, GB laga post nimitey, State laga Indigenous citizen he hobo kagey koi kena
Add Comment