Riteish Deshmukh laga ‘Pill’ laga trailer olaisey

New Delhi, June 27 : Riteish Deshmukh laga drama series ‘PILL’ tu July 12 te release hobole asey. Manu khan laga dhyan khicha laga motion poster release kora picheyte, JioCinema para Thursday din te etu series laga trailer release kurisey. Kuntu te pharmaceutical(dawai khan bana aro bikri kora) industry laga bhitor te ki chuli asey  etu dikhai. Etu film ke Ronnie Screwvala laga RSVP Movies para produce kurisey aro Raj Kumar Gupta para create kurisey. Etu film te Pavan Malhotra bi dangor role te asey. ‘PILL’ te Riteish Deshmukh tu Prakash Chauhan laga role korey, kun India laga dawai khan banaikina bikri kora industry laga gehrayi te thaka khot ke khundikina olai. Etu series te ekta pill(bimar nimitey kha goli) tu alag alag character laga through para ekjun manu tak pungchey. Shaktishali pharma industry lag amalik aro corrupt(poisa kha) doctor para loikina medical representative, drug(dawai) laga regulator, politician, journalist aro whistleblowers tak. Etu series te Prakash(Riteish) tu ekta Pharma(dawa khan bikri kora) company laga olta polta kama kora CEO logotey larayi korey. Etu CEO laga role tu Pavan Malhotra para kuri asey. Aro Prakash para etu shaktishali nexus(dhanda) laga picheyte thaka asliyat tu bisarikina olabole nimitey imandari laga larayi korey kuntu para bimar manu khan para bi profit ke bisi ahemiyat diye.