Sports

Ritu Phogat tou MMA comeback karney taiyar asey

January 25, 2025
6 Views

New Delhi, 24 January : Duita saal pora ring te nokhusi thakile, Ritu Phogat February 20 din Qatar laga Lusail te Japan laga Ayaka Miura logot ekta atomweight showdown te comeback kuribo te ase. Indian fighter laga record 7-3 ase, aru Miura, juntu “Zombie” buli jana jaye aru judo te third-degree black belt holder ase, laga pro record 14-5 ase.

Ritu Phogat laga Mixed Martial Arts (MMA) career 2019 te shuru hoise, jun te Nam Hee Kim ke TKO pora harai loise. Phogat laga first charita bout jiti loise, kintu Bi Nguyen logot split verdict pora hara hoise.

Teni piche agla tinta fight jiti loise, kintu Stamp Fairtex laga deadly armbar karone ekta bad loss aru shoulder injury loise, jun karone 9 months tak fight pora bosti thakibo lagise. Teni piche Tiffany Teo laga submission loss bhi face kuri, aru itu piche ekta extended break lobo lagise.

One Championship te, Phogat promising fighter buli dekha gise, kintu one-dimensional fighter buli bhi tag pabo lagise, karon teni laga reliance upper body strength aru wrestling skills pora bishi ase. Takedown maribo aru punches flurry te mara laga strategy teni bhal handle kurise, kintu skilled opponents, like Muay Thai specialist Stamp Fairtex aru Brazilian jiu-jitsu expert Tiffany Teo logot, Phogat laga defence weak dekha dise.

Teo karone Singapore te loss piche, Phogat laga life bishi change hoise. Teni ekhon young mother hoise aru laga comeback te teni laga bacha ke inspire kuribo ase.

Duita saal laga break piche sport te wapas aha na easy thaikise. Muscle memory reclaim kuribo te time lagsile, kintu physical strength teni te bishi down nokura karone bhal advantage paya. Childbirth piche duita hafta rest lobi, Phogat ekta expert laga supervision te gym join kurise aru 3-4 months te peak fitness te fire gise.

Break te bhi, MMA Phogat laga mon pora nai thakise. Live aru recorded bouts watch kuri teni laga downtime utilize kurise. Teni laga cousin Vinesh Phogat laga Paris Olympics performance bhi watch kuri loise, junte medal miss kurise karone weight make nokuribole parise.