RKM School warden judicial custody te

ITANAGAR | November 27, 2018: Narottam Nagar (Deomali) te  police khan pora  Ramakrishna Mission School (RKMS) laga warden ke thurishe  .Etu bi ekta 6 sal bacha uporte sexual assault kura laga charge te  .Etu manu laga naam toh Subir Sanyal  etu 6 sal bacha aro 39 bacha khan laga warden thaka toh  judicial custody te phutaishe  etu hadsaa huwa pichede .Tai ke 12 November te thurishe etu bacha laga ama baba khan pora complaint kurishe .Etu investigating officer khobor dishe ekta case Protection of Children from Sexual Offences (POCSO) Act bithor te register hoishe.Etu investigating office ke hudah time te tai pora okobi khobor nadibo koise etu cas te aro koishe chan bin chuli ase . Deputy Commissioner of Tirap, PN Thungon koishe Sanyal laga bail petition toh mananai aro etu laga next hearing toh   4 December te thakibole ase . Swami Achyutnanda koishe etu sexual assault allegation laga toh  Arunachal Pradesh Police pora chan bin kuri ase aro Kanoon hisab te  sajaa dibo.Etu bacha laga ama kuwa hisaab te tai September 28 te call ekta paishe  school vacation bondh nohoa akhe te tai ke koikena bacha ke luijabi koikena beemar thaka nimete . Deomali laga doctor pora etu case toh refer kurikena etu ama pora tai laga bacha ke  Assam te luijaishe .Etu ama pora koishe olop akhe te September 19 te tai ke school authorities khan call kurikena tai laga bacha laga gao thik nai koikena khobor dishe .Tai koishe November 11 laga rati etu bacha laga ama pora tai ke ki ki hoishe koishe.Etu pichede etu bacha laga ama pora  police station te warden laga khilaaf complaint kurishe.