ITANAGAR | November 6, 2019: Arunachal Pradesh te Ramakrishna Mission Hospital laga emergency doctors khan para November 6 te emergency services dianai aro AAPSU leader laga khilaaf kun khan hospital laga doctors khan ke November 3 te dhamki diya nimete action lobole kotha kurishe.
Etu AAPSU leader, laga naam toh Tatung Taga, union laga convener para phone aro notice board phangaidishe aro emergency workers khan koe dhamki dishe etu bi tai laga mota bacha ke admit kuribole napara nimete .
Doctors khan kuwa hisaab te etu bacha ke necessary treatment dishe 15 minutes pichede AAPSU convener hospital te punchikena staff khan ke dhamkidikena phone aro notice board phangaidiseh.
Etu chamela huwa pichede etu bacha ke isolated bed patients khan biya beemar thaka ke rakha laga te rakhishe.Etu hospital laga secretary bi rukhibole olaishe.
Emergency workers khan koishe enika te tai khan kaam kuribole naparibo aro etu student leader uporte action lobi.Tai khan para civil society ke manu khan ke support kuribole nadibi koishe kun khan tai khan laga power misa misi chulai.
Taga para hospital’s property biya kura aro chamela kura nai koise. RKMH authorities khan complaint file kurishe.
Add Comment