New York, 15 January : Timothée Chalamet aru Robert Downey Jr. ekdin te duita dangor film release kori bole ase, aru Hollywood te bhal loga jora nisina, duita mila ekta ship name bhi banaise. Dune: Part Three aru Avengers: Doomsday jetiya December 18 te theatre te ahibo, fans khini ekta notun phenomenon expect kori bole pare — “Dunesday.”
Duita actor Los Angeles te Wednesday din ekloge appear korise, Timothée laga A24 film Marty Supreme laga ekta special screening te. Stage te Robert ekta halka-moja moment share korise, juntu etiya internet te pura buzz boni ase.
Dunesday naam tu duita upcoming release laga playful nod — Dune: Part Three, Denis Villeneuve laga sci-fi epic laga next chapter, aru Avengers: Doomsday, Russo Brothers laga banner niche Marvel laga bohut wait kora sequel.
Dunesday laga idea simple ase: friendly competition create kora aru duita film laga box office boost kora — jiman Barbie aru Oppenheimer 2023 te korise. Barbenheimer phenomenon pop culture te ekta dangor crossover moment boni uthise, juntu duita film mila ke lagbhag $2.5 billion worldwide earn korise.
Hollywood etiya pora itu success replicate koribo try kori ase — Glicked (Wicked aru Gladiator II mila ke 2024 te) aru aru same-day premieres ahise, kintu Barbenheimer nisina craze create koribo nuwarise. Kintu itu bar, Robert aru Timothée jiman duita decade laga sabse anticipated blockbuster lead kori ase, expectation bohut dangor ase.
Jodi history ke follow kore, numbers khini massive hobo pare. Russo Brothers laga Avengers: Endgame (2019) etiya bhi second-highest-grossing film of all time ase, lagbhag $2.8 billion globally. Aru Dune: Part Two (2024) bhi strong performance kori $715 million worldwide earn korise.
December 2026 te duita franchise wapas ahibo, aru Dunesday sirf ekta clever nickname nohoi — itu Barbie aru Oppenheimer pichete ahise laga sabse dangor box office showdown bhi boni jabo pare.
Add Comment