Spain, 15 Febraury : Rafael Nadal para Wednesday dey longtime rival Novak Djokovic ke sports laga history dey sobse bhaal khiladi kuina hail kurishey. “Numbers khan hoi kui asey, mui karney bhi hoi (tai history dey sobse bhaal asey),” Nadal para El Objective de La Sexta logot ekta interview dey kuishey kitia taike hudishey “sobse bhaal kun asey?” Djokovic 24 Grand Slam titles asey, Nadal laga 22 ke par kurina kitia tai jaa saal laga French Open luishey. Itu jeet paina bhi, Serbia laga itu controversial world number one, tai laga on-court jeet khan off-court popularity dey translate kuriboley dukh pai.
“Tai para project kuria image toh tai kinika asey itu logot biya wala asey; mui phabna dey bishi bhaal manu asey” halishey Nadal.
“Frustration laga kunwa pal thakey. Novak tai laga racquet phangai, huilewi ahia point dey tai 100% dey khiliboley taiyar thakey aro itu toh mui dikhia dey sobse bhaal asey.”
Nadal, 37, jokhum ladai kuri thakishey aro virtually pura 2023 miss kurishey. Tai jaa mahina aro jokhum huishey Australian Open laga bahar nabuhia agey dey.
Tai laga career niche jai thakina, Nadal para compatriot aro heir Carlos Alcaraz laga tarif kurishey kun 20 saal umaar dey two-time major winner asey.
“Carlos logot tennis laga bishi bhaal level asey, tai sob sense dey super complete khiladi asey,” kuishey Nadal.
“Mui taike eku kamzoru nadikhey, tai laga umar dey mui logot thakia nishna. Tai ekta incredible career thakiboley sob ingredients asey.”
Add Comment