Rogers Cup: Djokovic semi-finals te ghussise

AGENCIES: Friday Cincinnati Masters quarter-final Ohio te Novak Djokovic para  Lucas Pouille ke 7-6(2) 6-1 para harai dishe.Etu match toh bishi close thakishe etu bi etu duita pair  January moina te luwa Australian Open semi-finals te lok kurishe etu te Djokovic khali charta game hi concede kurikena title jitishe.First set jitibole nimete  Djokovic ke hour nishena lagishe hoilebi tai on sided tie breaker jiti loishe  .Tai logote 24 hours nishena ase recover kuribole nimete  Daniil Medvedev logote semi final te khelibole nimete  tai para Russian compatriot Andrey Rublev ke  6-2 6-3 para haraidishe.Tai duita final  te ghussise .Ekta toh Washington te Nick Kyrgios aro Montreal te Rafa Nadal logote harikena thakishe.Dusra quarter final te  Frenchman Richard Gasquet  para bhal khelikena  11th seeded Spaniard Roberto Bautista Agut  ke 7-6(2) 3-6 6-2 para haraidishe .Gasquet, kun para opening round te Andy Murray ke haraidishe  Saturday laga semi final clash te  Belgian 16th seed David Goffin logote khelibole ase .