Australia, 22 January ; India laga Rohan Bopanna aro tai laga Australian partner Matthew Ebden toh Australian Open laga mota laga doubles quarterfinals dey ghusishey ekta impressive 7-6 7-6 jeet logot, Netherlands laga Wesley Koolhof aro Croatia laga Nikola Mektic khilaf Melbourne dey Monday. Itu 43-saal Bopanna aro Ebden, kun draw dey seeded second asey, tuita sets dey bhi julti phangai dishey huilewi itu task dey nijor ke dikhai dishey kunwa great returns logot 14th seeds laga khilaf. Itu Indo-Australian pair toh next sixth-seeded Argentine duo Maximo Gonzalez aro Andres Molteni ke log pawo
Taikhan toh sobse highest seeded pair bhi asey mota laga doubles competition dey zinda thakia aro Monday laga jeet toh ekta tarif worthy thakishey duniya dey former top ranked doubles pair laga khilaf.
Bopanna laga service para taika initially niche kuri dishey kitia tai first set laga second game dey phangishey kutey itu 14th seeds toh ekta 3-0 lead dey jai thakishey shuruwat laga agey 15 minutes maju dey.
Huilewi, itu veteran Indian, kun recently Davis Cup duties para retire huishey, tai laga groove dey kunwa signature backhand logot wapis ahishey line niche dey aei deft overhead lobs kuntu baseline pitor dey inches dey rakhishey.
First set laga seventh khel dey, Mektic aro Koolhof para kunwa glaring unforced errors panaishey, kuntu para itu Indo-Aussie pair ke itu darawaza dey theng rakhiboley dishey.
Second set laga eighth game dey, Bopanna para aro ekbar tai laga khel uthaishey aro opposition ke galti kuriboley joborjost kurishey, aro taikhan contest pitor dey comeback kurishey.
Itu tie-breaker dey Bopanna-Ebden toh ekta 3-0 lead dey jaa dikhishey aro itu point para luina, itu toh ekta uphill task huwoley thakishey taikhan laga opponents karney.
Add Comment