March 31, 2024: Saturday din deh Rohan Bopanna aro taila Australia partner Mathew Ebden, Miami Open laka men’s double final deh top olai shae ekta historic victory para. Indo-Australian pari para Croatia laka Ivan Dodic aro American Austin Krajicek keh harai di shae 6-7 6-3 10-16 score deh.
Khali jita heh nahoi nah, Bopanna para tai nijor laka record b bangai di shae aro sobse bura manu hui shae AtP circuit deh ekta Masters 1000 title jiti bole. Tai 44 sal deh etu jita ase. Tai jua sal etu record banai shae Indian Wells title tho jiti nah. Tai aro second Indian hui shae sob notha ATP Masters 1000 events laka final punchi bole. First Indian tho Leander Paes taki shae.
Bopanna aro Ebden, first deh olop duk pai taki shae. taikan first set tho 6-7 hari shae. Hoile b mun chutu nakuri nah, taikan second set deh comeback ekta banai shae. Aro third set deh tho taikan laka dominating best deh taki shae 10-6 score deh jiti nah.
Etu tho Bopanna laka second career Grand Slam title ase aro men’s doubles deh taila first ase. Taila agae lah Grand Slam win tho 2017 French open laka mixed doubles deh taki shae.
Add Comment