Rohit Sharma ke Mumbai Indians laga Captain thakia hatai dishey. Fans gusaa

Mumbai, 16 December : Kitia Mumbai Indians (MI) Hardik Pandya ke captain panai dishey franchise laga, Rohit Sharma ke podli kurina, fans khan para disappointment thakia janai dishey social media dey. Rohit, kun MI join kurisheh IPL 2011 laga agey, franchise laga captain 2013 dey kuri dishey, aro taikhan ke five IPL title tak agey lui jaishey jaa decade dey. Tai toh itia tak sobse successful captain asey, Chennai Super Kings’ MS Dhoni logot. Hardik, itia, MI ke charishey Gujarat Titans ke join kuriboley 2022 dey, aro taikhan ke title tak lui jaishey taikhan laga maiden season dey. Tai para jaa saal final dey bhi taikhan ke lui jaishey, kutey GT toh CSK khilaf harishey Narendra Modi Stadium dey.

Huilewi, kunwa fans khushi thakianai Rohit ke captain nishna hatai dia toh aro taikhan laga gussaa janai dishey social media dey.

Agey dey ekta statement dey Friday, Mumbai Indians kuishey leadership fey podli kuria toh taikhan laga future planning laga ekta part asey aro Rohit ke dhanuobad dishey tai laga exemplary service karney franchise ke.

Mumbai Indians toh sobse successful IPL franchise asey Chennai Super Kings logot milaina kun taijun bhi five titles jitishey.

Rohit, kun para India ke ODI World Cup final tak lead kurishey, franchise ke captain kuri thakishey 2013 para luina kitia taikhan five IPL trophies para taikhan laga agey trophy uthaishey.

Rohit laga captaincy andar dey alag title toh 2015, 2017, 2019 aro 2020 dey ahishey. Mumbai Indians toh play-offs tak jaishey IPL 2023 dey.

Itu homoi, Hardik toh dangor chutu fill kuriboley thakishey notun skipper nishna MI laga, kitia Rohit para franchise ke five IPL title jeet tak lui jaishey.

31 matches dey GT karney 2022 para 2023 tak, Pandya para 833 runs score kurishey 37.86 laga average dey aro ekta strike rate 133 agey. Tai 11 wickets bhi thakisheh team karney, sobse bhaal 3/17 figures logot.

Hardik para 92 matches bhi khilishey MI karney 2015 para 2021 tak, kutey tai 1,476 runs scorw kurishey 27.33 laga average dey 153 laga agey strike rate logot, four half-centuries logot aro sobse bhaal score 91. Tai para 42 wickets bhi luishey team karbey, sobse bhaal bowling figures 3/20 logot.

Hardik toh five IPL trophies jitishey, four MI logot (2015, 2017, 2019, 2020) aro GT (2022).