Rohit Sharma para 12 fours aro five sixes marishey aro Indian batsman karoney World Cup khel dey fastest century paishey, aro tai Chris Gayle laga record agey jaishey international cricket dey sobse bishi sixes thakia laga(3 formats milaina ). Gayle para tai laga career dey 553 marina thakishey. Rohit itia 556 sixes asey.
“Mui kitia khel toh khilia shuru kurishey mui khitia bhi phabna kurianai ki mui sixes mariwo paribo. Eman bishi sixes toh charibi” Rohit kuishey BCCI.tv dey.
“Eman bishi kaam jaishey itia tak ahia saal khan dey. Eman bishi saal dey mui kaam kuria dey mui khushi asey.
“Mui ki kurina ahi asey itu agey dey bhi kurina jawo mun asey. Mui laga focus toh itu dey hi thakibo. Huilewi hoi, itu toh mui karoney chutu khushi laga pal asey,” tai kuishey.
Rohit para Chris Gayle karoney bhi ekta sandesh thakishey. Tai kuishey: “Universe Boss toh Universe boss asey. Mui tai laga book para ekta patta ulaishey.”
“Ahia saal khan dey, muikhan tai ke dikhishey. Tai toh six-hitting machine asey, kitia tai khiley. Muikhan eki jersey number lagai No 45 aro No 45 para kurishey. Mui jaani asey tai itu karney khushi thakibo.”
“Muikhan sob khel dey sai asey aro muikhan eman agey saa bhi nahoi. Nine league games logot toh alaga format asey semifinals aro final logot toh.”
“Muikhan karoney toh chutu chutu cheez dey focus kuriboley laga asey. Mui phabne dey muikhan agey bishi bhaal khilishey.”
“Bowlers para bhaal kaam kurishey taikhan ke 280 andar restrict kuria toh bishi bhaal effor thakishey kiley kuiley wicket toh bat kuriboley bishi bhaal thakishey.”
Add Comment