October 29, 2023: World heavyweight champion Tyson Fury para MMA fighter Francis Ngannou keh harai di kina top deh olai shae hoile b etu jita tho controversial split decision result taki shae. Taikan laka battle bout tho “Basstle of the Baddest” laka nickname di shae. Etu battle laka third round deh Ngannou para Fury keh knock down kuri shae aro British boxer keh hilai di shae hoile tai aro kili bole pari shae.
Tuita judge para taike 96-92 aro 95-94 di kina Fury tho jiti jai shae. Alak judge para tho Ngannou keh 95-94 di shae. Fury tho 34-0-1 laka record deh undefeated ase. Aro etu tho Ngannou laka boxing debut taki shae. Taila UFC record tho 17-3 deh ase. Etu tho official fight taki lhe b, Fury laka belt tho line deh taka nai.
Etu match deh crowd eman dangor taki shae. Christiano Ronaldo, Kanye West, Connor Mc Gregor, Vince McMahon, The Undertaker, Mike Tyson, Royce Da 5’9”, Mr. Poter kan para etu event keh grace kuri shae.
Bout laka kotha kura time deh, Fury para 10 years pitor deh etu match tho sobse toughest fight taki shae kui shae. “Tai bishi awkward manu ekta ase aro tai bhal puncher b ase, mui taika bishi respect kureh. 10 years deh sobse toughest fight ase neki muila,” Fury para taila opponent laka bhal kui nah kui shae.
Alak deh tho Ngannou para etu kui shae,” Etu muila first boxing match taki shae, bishi bhal experience taki shae. Mui eku excuse nati bo. Mui komti ahi shae kui nah jani ase mui. Mui aro work hard kuri nah wapas ahi bole ase. Mui kuri bo pareh kui nah janeh ase itia.”
Add Comment