Ronaldo laka agae deh ‘Messi’ laka nam hala kuri nah taike taunt kuri shae

June 2, 2024: Cristiano Ronaldo laka opposition team fans para taike keh taunt kuri shae. Etu par tho Saudi Cup laka final deh hui shae, kuto Al-Nassr aro Al-Hilal laka majo deh hui shae. Etu tho Ronaldo karne ekta pahu ri bole napara laka din ase. Ronaldo laka team kan final tho hari shae aro local fans kan taila agae deh Messi laka nam hala kuri nah taike taunt kuri shae. Portuguese star tho ekta b trophy naji ti nah season tho kotom kuri shae aro taila team kan Saudi final hara karne upsos hui jai shae. Alak side deh, Al Hilal laka fans para Ronaldo keh taunt kuri shae. Al Hilai tho etu season dominant side deh taki shae. Taikan shoot-out deh 5-4 kotom kuri shae, Saudi treble tho kotom kuri bole. Etu laka agae deh taikan Super Cup aro Saudi Pro League b jiti shae. Neymar Jr, ekta Al Hilal star, kun jokom karne etu season miss kuri shae, tai b tateh taki shae, taila teammates kan keh support kuri bo karne. Brazilian winger, kun Lionel Messi laka bhal sathi ase, tai b etu moment tho taila mobile phone deh record kuri shae.