Nagaland

RPO Para Raasta Laga Kaam Laga Quality Check Kuriboley Nimitey Appeal Kuri Asey

February 2, 2025
1 Views

February 02, 2025, 07:06 PM: Raasta laga construction project sanction kuria logotey, Pfütsero-Chilo (Kilo) para, PMGSY under tey, itu Razeba Public Organisation (RPO) para toh hoiley itu responsible firm/ contractor ke appeal kurishey, itu quality laga kaam logotey compromise nakuriboley koishey.

Ekta press release tey, RPO laga president – Deo Movi aru general secretary – Dapulu Lea para state kurishey ki, itu 15Km lamba raasta toh hoiley, Razeba area community laga bishi lamba para ekta sapna thaki kena ahishey, bhal raasta tey biraboley.

RPO para koishey, itu raasta toh hoiley, itu area -Zelome village, aru Zhavame aru Tsüpfüme khan thaki kena, tai khan laga itu ekla lifeline asey, kuntu bosti khan toh vegetable bosti koi kena declare kuria laga asey.

Tai khan papra state kurishey ki, bhal raasta laga connectivity toh hoiley zaroori asey,, economic activity khan nimitey, bishi bhak toh transportation nimitey, agricultural laga saman khan ana- loijawa karney aru alag essential commodity khan ana-loijawa kuriboley. 

RPO para koishey ki, itu area kuntu toh hoile Manipur state logotey border share kurey, itu toh hoiley Phek district karney bhi gateway asey aru inter-state business nimitey bishi zaroori asey. Aru bhi itu organization para appeal kurishey, itu community member khan ke, cooperation extend kuriboley karney, itu raasta laga construction kuria homoi tey. Tai khan para Razeba range leader khan ke “it uke ekta wake-up call hisap para loboley” karney urge kurisey.

Arubhi, RPO para itu community ke urge kurishey, ki ki laga para bhi dikdari nadiboley karney, “ekta manu hobi, organization khan hobi, clan khan hobi nahoiley Ihose Battalion, NSCN-IM (Kapamodzü) khan hobi’, itu kaam toh bhal para jaboley karney.

RPO para aru janaishey ki, tai khan toh hoiley “ki ki hoilebi” itu itya chuli thaka construction toh bachai kena rakhibo, ekta bhal raasta hoboley. Tai khan para husiyar janaishey ki, “strong action” lobo koi kena, judi kunba manu khan itu raasta laga construction kuria homoi tey dikdari dishey koiley, ki ki laga form tey hoilebi.