Rs 5,785 Crore Assets logot, itu Lok Sabha Contestant itia tak sobse dhuun asey

Amaravati, 23 April : Guntur Lok Sabha seat karney TDP laha candidate P Chandra Sekhar para tai laga khantan assets janai dia piche dey headlines luishey –  movable aro immovable tuita bhi – Rs 5,785 crore dey, tai laga election affidavit dey, kuntu para taike itia laga electoral race dey sobse dhuun contestant panai asey. Tai para file kuria laga ekta affidavit hisab dey, tai laga individual assets toh Rs 2,448.72 crore asey kitia tai laga maiki Sriratna Koneru logot Rs 2,343.78 crore worth assets asey aro bacha khan Rs 1,000 crore nishna asey. Association for Democratic Reforms (ADR) para kuria ekta press release agey dey kuishey, former Madhya Pradesh Chief Minister Kamal Nath laga mota bacha Nakul Nath para sobse dhhun contestants list dey top kurishey, Lok Sabha polls laga Phase-I dey kuntu April 19 dey luishey, Rs 717 crore worth laga assets logot. Chandra Sekhar laga khantan toh USA laga JP Morgan Chase Bank ke Rs 1,138 crore laga liability asey, Line of Credit laga form dey. Andhra Pradesh dey Burripalem bosti para Johns Hopkins University dey physician teacher nishna kaam kurina – Sinai Hospital para founding UWorld tak (online learning aro study resources platform), Chandra Sekhar laga journey toh fascinating asey. Doctor-Entrepreneur-Politician para tai laga MBBS toh NTR University of Health Sciences Vijayawada dey khotom kurishey 1999 dey aro 2005 dey Danville, Pennsylvania laga Geisinger Medical Center para MD (Internal Medicine) pursued kurishey. Tai 60,000 students maju dey 27th rank score kurishey kun khan EAMCET medical entrance examination (MBBS) itu state dey luishey kunty desh dey sobse competitive examination kuina consider kurishey. Tai laga maiki logot ekta joint filing dey, tai declare kurishey Rs 605.57 crore as per US Tax Cycle Year January 2022 para December 2022 tak itu desh dey. Tai logot bishi US-based firms dey investments aro shares asey.  Tai logot USA dey Rolls Royce Ghost, Mercedes Benz aro Tesla nishna luxury gaari bhi asey. Chnadra Sekhar para YSR Congress Party laga K Venkata Rosaiah ke itu elections dry samna kuribo.