Champhai, 20 May : Assam Rifles aru Champhai laga Excise aru Narcotics Department milik collaboration te Mizoram laga New Champhai area para heroin recover kora hoise, juntu laga kimti hoise Rs 90.02 lakhs.
Joint operation shuru kora hoise specific intelligence input pai jabole time te ki area te narcotics move kori ase buli report paise. Tar upor te ekta Area Domination Patrol launch kora hoise New Champhai village side te, aru itu patrol time te heroin seize kora hoise.
Seize kora narcotics khan Excise aru Narcotics Department, Champhai ke hand over kori dise further legal action karone.
Agar din, May 15 te Assam Rifles aru Customs Preventive Force ekjon te joint operation chali Kelkang village, Champhai district te dangor drug seizure kori thakise. Authority khan 2.5 kg Heroin No. 4 recover korise, juntu illegal market te Rs 17.54 crore tak kimti ase.
Itu seizure bhi ekta specific intelligence input te base kori kora hoise, aru swift action loi ekta coordinated area domination patrol launch kori thakise. Sweep time te security personnel khan 219 soap case paise, juntu te high-grade heroin thakise.
Add Comment