RS Election te NOTA nathakibo

NEW DELHI, SEPTEMBER 11 : Kali Tuesday din Election Commission pora “None Of The Above” (NOTA) chis toh hataidese. Etubi Rajya Sabha (RS) aro Legislative Council Election pora. Aro etu hataidebole kotha ula toh kedia Supreme Court pora janaidiya bejete mana laga ase koise.Boila August moina darek 21, etu sal etu Supreme Court pora etu NOTA toh Rajya Sabha Election te nathakibo koi kena janaidiya laga ase. Huilebi etu kotha toh aji hi asul te kotha fesla kuridese koise.Huilebi etu NOTA Chis toh Direct Election kobi Lok Sabha aro State Assemblies election kan te toh thakibo. Ahkete Election Commission laga khobor hisabte etu NOTA Chis toh Rajya Sabha election laga Ballot kakus te thakibole hisabte manai kena thakise. Huilebi etu ke Supreme Court Bench kobi Chief Justice Dipak Misra aro Justices AM Khanwilkar aro DY Chandrachud pora nahobo aro etu NOTA Chis toh nathakibo koi kena kotha ulaise koise.Eneka huikena edia pora etu Rajya Sabha aro Legislative Council Election te kobi ahebole laga ke etu NOTA chis nathaka hobo koi kena, khoborte janaise.