RS te Arunachal laga Scheduled Tribes list Bill passed korishe

ITANAGAR: Thursday din Rajya Sabha (RS) para Constitution (Scheduled Tribes) Order (Amendment) Bill, 2021 toh passed korishe koishe. Etu bill toh constitutional list of Scheduled Tribes te samil hoboli Arunachal Pradesh para recommended korishe. Rajya Sabha te bill toh voice vote para passed korishe, etu samai opposition parliamentarians khan para Pegasus row, farm laws oper te kalaaf samai passed korishe. Arunachal Pradesh State laga recommendations hesab te etu bill te Schedule to the Constitution (Scheduled Tribes) Order, 1950, Part-XVIII te Arunachal Pradesh State nemite ase koishe. Etu pithor te ‘Abor’ (tribe) in serial No. 1 toh hataikena ‘Adi’ toh serial No. 16 te thaka neshina ase koishe. Tuita(2) wala te list te serial No. 6 te ‘Khampti’ nahoikena ‘Tai Khamti’ jolaboli koishe. Etu oper te aro serial No. 8 laga list te thaka ‘Mishmi, Idu, Taroan’ toh hatikena ‘Mishmi-Kaman (Miju Mishmi)’, ‘Idu (Mishmi)’ aro ‘Taraon (Digaru Mishmi)’ samil koriboli janaishe koishe. Dosura ekta te serial No. 9 laga list te ‘Momba’ hataikena ‘Monpa’, ‘Memba’, ‘Sartang’, ‘Sajolang (Miji)’ samil hoboli koishe aro list te serial No. 10 te thaka ‘Any Naga Tribes’ toh hataikena ‘Nocte’, ‘Tangsa’, ‘Tutsa’, ‘Wancho’ jolaboli koishe.