NEW DELHI: Right to Information (RTI) laga request duwara NDTV khobor access kuri kena koishe Tamil Nadu police para asol guli namara agote, tai khan 43 eman khatarnak nathaka guli marishe. Etu te 18 rubber aro 25 plastic guli thakishe. Etu 43 rounds pichete police para 69 rounds laga asol guli marishe. Jua saal May moina te National Human Rights Commission para etu khatarnak hamla khilaf te inquiry demand kurishe. May moina Tamil Nadu, Vedanta laga copper smelter khilaf te protests kurishe. Etu protests toh ekdam biya hoishe. Komti hoile bhi Thoothukudi te huwa operation te 13 manu murishe. Non-lethal guli khan toh protesters khan nimite eman effective thaka nai.
Post mortem laga khobor hesab te May 22, 2018 te 13 protestors khan mura te bishi toh matha (head) nohoile bhi chati (chest) t guli lagishe. Aro dusra khan toh pichete guli lagishe koishe. Police khan para protesters khan opor tye open fire kurishe.
Media laga khobor hesab te National Human Rights Commission (NHRC) para Tamil Nadu police khan kun manu khan opor te excessive forces estimal kurishe etu khan opor te investigations kuribole koishe. Delhi High Court laga direction hesab te NHRC para Thoothukudi te investigation team pothaishe. Jua saal NHRC team para investigation toh kurishe aro commission te reports toh submit kurishe koishe.
Add Comment