Rukma Gohain Baruah toh AHSEC notun chairman

May 28, 2021. Lakhimpur Post Graduate Training College laga principal, Rukma Gohain Baruah ke toh Assam Higher Secondary Education Council (AHSEC) junishe. Etu khobor toh Assam education minister Dr Ranoj Pegu para junai thishe. Wednesday din Facebook post te, Minister Pegu para koishe, “Shri Rukma Gohain Baruah (M.A., M.Ed) logot congratulations kori ase, tai toh North Lakhimpur te bhal manuh ekta ase, Lakhimpur Post Graduate Training College laga principal ke Assam government para Assam Higher Secondary Education Council laga Chairman junishe.” Tai toh Asam Sahitya Sabha’s 1st president ‘Pitaamah’ Assamese literature, Padmanath Gohain Baruah laga grandson ase,” koikena Dr. Pegu para lekishe. Gohain Baruah laga schooling toh North Lakhimpur Govt Higher Secondary School para korishe. Etu beche North Lakhimpur te college kotom hoikena MA toh Dibrugarh University te loishe. Khobor hesab te, Gohain Baruah para June 2, 2021 te AHSEC laga notun chairman charge loboli koishe. Tai para Dr. Dayananda Borgohain oper te notun kam toh korikena jabo. News channel te kotha kora samai, Gohain Baruah para koishe ke, “Assam Higher Secondary Education Council te charge lowa beche, ami laga aro sobse tangor kam toh Higher Secondary Class 12, final examination nemite saboli ase. “ami kam sob toh saikena kotom howa beche Assam education minister aro Council laga officials logot kotha korikena state te Covid halat toh noram te aha beche exam toh joldi loboli koribo.” AHSEC chairman-designate para koishe ke, tai thakai samai vocational education nemite be kam koribo. Assam te Covid-19 bemar halat beya howa nemite state te Higher Secondary Class 12 final Examination 2021, toh postponed hoikena ase.