Bank khan laga majotey alag alag desh laga poisa exchange kora market te, poisa laga beypar kora suru huwa homoitey 83.25 thakisey aro picheyte US dollar laga against te 83.26 hoijaisey. Etu tu Thursday (October 12) laga value para 2 paise komti asey.
Thursday din te sarkar para data release kora hisap te, India laga retail inflation(dukan khan te saman bikri kora laga daam utha tu) September moina te 3 moina picheyte 5% komti hoijaisey. Aro August moina te, factory laga saman produce kora tu 14 moina picheyte 10.4% para uthisey.
Etu homoitey, dollar index kuntu para US dollar laga takat ke 6ta desh laga poisa logotey measure korey, etu dollar index tu 0.07% komti hoikina 106.52 te trade hoi thakisey.
Analyst para koisey ki US data para India laga inflation ke bhabna kora para olopbisi dikhaidiya picheyte dollar index laga value tu 106 para opor uthijaisey. Aro etu para US Federal Reserve para interest rate baraidibole laga expectation ke baraidiye.
India laga company khan laga share kina aro bikri kora market te, Bombay Stock Exchange laga under te thaka 30 company laga share tu 0.19% para komti hoikina 66,282.74 te thakijaisey. National Stock Exchange (NSE) laga under te thaka 50 company laga share tu 0.22% para girikina 19,751.05 hoijaisey.
Exchange data laga hisap te, Foreign Institutional Investors (FIIs) tu Thursday din te net sellers thakisey. Kilemaney taikhna para Rs 1,862.57 crore laga share bikri kurisey.
Add Comment