Bank khan laga majotey alag alag desh laga poisa exchange kora market te, rupee laga value tu US dollar laga against te majboot thakikina suru te 83.20 te thakisey aro picheyte 83.15 tak uthijaisey aro 83.24 tak namijaisiley. Etu picheyte rpee laga value tu last te 83.18 te thakijaisey. Matlab rupee laga value tu juwa bar (Tuesday) para 7 paise bisi uthisey. Tuesday (October 10) te, rupee laga value tu juwa bar (Monday din) para 3 paise bisi uthikina US dollar laga against te 83.25 thakisey.
Research Analyst Anuj Choudhary laga hisap te, rupee laga value tu duniya laga market te risk bara nimitey aro US dollar laga value olop nama nimitey positive fale trade kuribole akha kuri asey.
Etu homoitey dollar index, kuntu para US dollar laga takat ke 6ta desh laga poisa laga value logotey jukhey etu dollar index tu 0.09% komti hoikina 105.73 te trade kuri thakisey.
India laga company khan laga share kina aro bikri kora market te, Bombay Stock Exchange laga under te thaka company laga share tu 0.60% bisi hoikina 66,473.05 te trade kuri thakisey. NSE Nifty laga under te thaka company khan laga share tu 0.62% para uthikina 19,811.35 hoijaisey. Exchange data laga hisap te, Tuesday din te capital market te, Foreign Institutional Investors (FIIs) tu net sellers thakisey, kilemaney taikhan para Rs 1,005.49 crore laga share bikri kurisey
Add Comment