Business and Health

Rupee laga value US dollar laga against te 4 paise para uthisey

October 11, 2023
1 Views
New Delhi, October 10 : Tuesday (October 10) te, rupee laga kimat US dollar laga against te 4 paise para uthikina 83.24 hoijaisey. Etu tu India laga share kina aro bikri kora market te  rally huwa para poisa invest kora manu khan laga bhabna majboot kora nimitey asey. Hoilebi, Middle East laga desh te larayi jhagra chuli thaka nimitey  dusra desh laga market te kaccha tail laga daam uthikina thaka aro dollar ke security nimitey kina karney asey.
Bank khan laga majotey alag alag desh laga  poisa exchange kora market te, suru te rupee laga value US dollar laga against te  83.23 hoikina olaisey aro etu picheyte 83.22 para 83.26 laga range te jaisey. Lat te, rupee laga value tu juwa bar (Monday ) laga value para 4 paise uthikina 83.24 te thakijaisey. Monday din te rupee laga value 1 paise para girikina US dollar laga against te 83.28 thakisey.
Dollar index, kuntu para US dollar laga takat ke 6ta desh laga poisa logotey jukhey etu US dollar tu 0.27% komti te trade kuri thakisey aro etu laga value tu 105.80 thakisey.
India laga company khan laga share kina aro bikri kora market te, Bombay Stock Exchange(BSE) laga under te thaka company laga share tu 0.87% bisi hoikina 66,079.36 te thakisey. National Stock Exchange (NSE) laga under te thaka company laga share 0.91% para uthikina 19,689.85 hoisey. Monday din te   Foreign Institutional Investors (FIIs) tu capital market(company laga share kina aro bikri kora market) te net sellers thakisey kilemaney taikhan para Rs 997.76 crore laga share bikri kurisey.