April 14, 2025, 04:37 PM: Director, Art & Culture, Adela Moa toh hoiley information notify kurishey, itu sob Rural Library khan ke, kuntu toh hoiley itu Art aru Culture laga Department logotey enlist kuri kena asey, 2023-24 nimitey. Tai khan itu Art aru Culture laga Directorate para collect kuriboley paribo koishey, 16th April, 2025 para 15th May, 2025 tak tey, office laga homoi tey.
Itu sob Library khan toh hoiley Library Round Seal logotey aru Designation Seal (President, Librarian and General Secretary) logotey ahiboley lagibo. Itu nathakishey koishey, kitab khan toh issue nakuridibo, koishey. Itu laga last din expiry hoishey koiley, kitab khan toh hoiley District Cultural Officers/Registering Officer para tai khan laga respective Head Quarter khan tey loi jai kena rakhiboley asey koishey. Kotey para itu enlist kuri kena thaka rural library khan toh itu kitab khan collect kuriboley paribo.
Add Comment