Russel Brand ke UK police para arrest kurishe

UK, 06 April 2025: British police ekta statement Friday din diya hissab te actor-comedian Russell Brand ke rape aru assault charges te arrest kuri se. Allegations to 1999 pora 2005 tak laga time period te hoise. Russell Brand, 50 years old, former husband of US pop singer Katy Perry aru ekta time te UK laga ekjon famous comedian aru TV host thakise. Recent time te, tai nijor laga image change kuri kena internet te social commentator hobo start kuri se. Police report te janai dise ki Russell Brand, juntu Oxfordshire, southern England te thake, etia ekta rape, ekta indecent assault, ekta oral rape, aru dui ta sexual assault charges te arrest kuri se. Etu sob charges char jon alag-alag mahila laga complaints te based ase. Police bhi janai dise, “Metropolitan Police laga investigation etia bhi choli ase aru juntu kunba jon manu etu case pora affect hoise, nahoile kunba information thakile, police logot contact kuribi.” 2023 te, “Sunday Times” newspaper aru “Channel 4 Dispatches” documentary show te report aahi thakise ki char jon mohila Russell Brand ke accuse kurise rape aru sexual assault laga, 2006 pora 2013 tak. Russell Brand age para deny kori aahi ase, koi kena ki tai kitya bi non-consensual sex kuran nai.