Montreal, 17 June : George Russell Mercedes laga etu season laga prothom jeet pai gol, ekta zabardast drive diya pole position pora Canadian GP te. Kintu race laga mota dangor drama to piche te aahise, juntu te McLaren teammates aru title rivals, Lando Norris aru Oscar Piastri, duta jon last te takrai jaishey.
Itu takra laga incident hoise lap 67 te, total 70 lap te, jab Norris try kurise Piastri ke overtake kuribole fourth position karone. British driver ekta move pit straight te bhalke hisab nohoi kuri, aru Australian driver laga gaari laga piche te jayi jaishey.
Norris laga gaari laga front suspension damage hoise aru turant race pora out hoijase, jitia Piastri to continue kori fourth position te finish kurise—George Russell, Red Bull laga Max Verstappen, aru second Mercedes driver Kimi Antonelli laga piche te. Race to safety car laga under te khotom hoise.
Itu ghatna ekdom remind kurai Lewis Hamilton aru Jenson Button laga famous takra juntu eki jagah te 2011 te hoise. Norris laga title challenge ke dangor nuksan dise, aru Piastri laga point lead aboi Norris pora 22 points ase, jitia Verstappen to aru 21 points piche ase.
Add Comment