Russia, 26 March 2025: Russia aro Ukraine khan agree kuri shey naval ceasefire opor te Black Sea te alak alak deals te US lokot, Saudi Arabia te tin din peace talks kura pichideh. Washington pra koishey sop parties khan eki lokot kam kuribo ekta ‘double aro lasting peace’ nimite statement te, tadeh koishey agreements khan toh, kun toh ekta important trade route reopen kuribo. Taikhan ‘measures khan develop’ kuribo leh b commit kuri shey ekta purana agreed ban implement kuribo leh ekjun ekjun laka energy infrastructure hamla kuribo leh, White House pra koishey. Hoileh b Russia khan pra koishey naval ceasefire toh force he ahibo kicha sanctions khan taikhan laka good aro fertilisers trade against te thaka toh olai dibo. US officials khan separately lok pai thaki shey negotiators khan ke Moscow pra Kyiv pra Riyadh te ekta truce bana boleh duita sides laka bitor te. Russian aro Ukrainian delegations khan directly lok panai.
Ukrainian president Volodymyr Zelenskyy pra koishey deal toh strikes khan rukhabo leh Black Sea te step ase bhal direction te. Tai pra Kyiv te press conference te koishey, echa b bishi joldi ase kubo leh ki etu kam kuri ase koina, hoileh b etu khan right meetings thaki sey, right decisions aro right steps. Kun b Ukraine ke accuse kuribo naparibo sustainable peace nimite agae naja karne etu hoi kina, tai pra enika koishey, US president Donald Trump pra previously taike accused kura pichideh peace deal toh block kura laka. Hoileh b olop deri hoi kina Washington announcement pichideh, Kremlin pra koishey Black Sea ceasefire toh effect te ahibo sanctions khan toh naola tak Russian banks, producers aro exporters pra.
Add Comment