KYIV, March 15: Russia aro Ukraine para Saturday rati te dangor hawai attack(hamla) kurisey kuntu te etu duita desh para bi taikhan laga nijor-nijor desh te 100 opor enemy drone gusisey koikina report kurisey.
Etu attack tu Russian President Vladimir Putin para US laga representative Steve Witkoff ke lok kurikina 24 ghonta bi nuhuwa ageyte hoisey. Steve Witkoff aro Putin duijun toh Ukraine logotey chulithaka war te America para 30-day ceasefire rakhibole propose kora laga bari te discuss kuribole lok kurisiley.
Volgograd(Russia laga ekta city) laga regional Governor Andrei Bocharov para confirm kurisey ki drone laga tukra khan gira para Lukoil oil refinery osor te thaka Volgograd seher laga Krasnoarmeysky district te jui lagaidisey.
Etu laga osor te thaka airport khan para olop homoi nimitey flight khan rokhaidisey. Etu ghotna te manu mora aro jokhom pa laga report nai.
Moscow para 3-saal ageyte Ukraine ke hamla kora pichey para Volgograd refinery ke Kyiv(Ukraine laga capital aro sobsey dangor seher) laga sipahi khan para bisi bar target kurisey.
Russia laga defense ministry para koisey ki taikhan para Ukraine laga 126 drone ke guli marikina giraidisey. Etu majotey 64 drone tu Volgograd jag ate girisey.
Officials Russia laga Voronezh, Belgorod, Bryansk, Rostov aro Kursk jaga khan te bi drone ke guli marikina giraisey.
Etu majotey, Saturday te Ukraine laga air force para koisey ki Russia para Ukraine te purarati te 178 drone pathaisey. Etu drone khan tu Shahed-type attack drone aro air defense khan ke confuse kuribole nimitey bana imitation drone laga mixture thakisey. 130 maan drone ke gulimarikina giraisey aro 38 drone tu taikhan laga target para miss hoikina haraijaisey.
Add Comment