Agencies: South Moscow te bus ekta crash hoishe. Etu ghatna te saatha manu murishe etu murija manu khan te charta bacha bhi thakishe.
Emergency situations Ministry koishe bus toh 45 manu bhuki kena thakishe. South Moscow para 190 km (118 miles) genika dur rasta te bus toh geri kena accidents hoishe.
Dozens genika manu khan toh bus te fasishe. Bus gera laga olop ghonta pichete rescue teams para manu khan ke bus para olai dishe.
32 manu khan ke hospital te loi jaishe. Jokom huwa manu khan majote 23 manu toh bacha thakishe.
Etu ghatna toh ke nimieishe etu toh etiya bhi clear nai koishe. Police khan para driver ke sawal kuribole dhuri kena ase.
Emergency responders khan para footage release kura hesab te bus toh borop para bon hoi kena thaka rasta laga side te thaki kena thakishe.
Interfax news agency para Yartsevo town mayor laga kotha quote kuri kena koishe bus toh dance club laga bacha khan ke completion te loi jai thakishe. Competition toh Kaluga city te thakishe.
Local Emergency Situations Ministry koishe bus toh kotay bhi laga nai koishe.
Tai khan koishe driver toh najana kiba reson nimite control lose kurishe aro bus toh geri jaishe.
Add Comment