Moscow, 8 April : Julti melt hua snow para Russia laga Ural Mountains dey sobse biya recorded flooding ke trigger kurishey, kuntu karney hazaar manu khan taikhan laga ghor para pulai jawoley majboor kuri dishey kitia kunwa Europe laga sobse dangor nodii toh bursting point tak porda huishey.
Russia para Kazakhstan osor Orenburg region dey emergency declare kuri dishey, Ural River, Europe laga third sobse lamba nodi, Friday dey kunwa gondha pitor dey several metres swell hua piche dey, aro Orsk laga sheher dey ekta dam embankment para burst kurishey.
Itu nodi, kuntu Ural Mountains dey rise kurey aro Caspian Sea pitor dey flow kurey, Monday dey dangerous levels pahunjiwo Orenburg dey, Orsk para 500,000 down nodi laga ekta sheher, aro peak toh April 10 dey thakiboley expect kuri asey, Russia laga emergency ministry kuishey.
Russia dey 10,400 ghor upar flood huishey, kitia Urals, Siberia, Volga aro central regions toh sobse biya para hit huishey, itu ministry hisab dey.
Orenburg laga mayor, Sergei Salmin, kuishey ki Ural nodi toh jaa par laga record 9.46 metres cross kuriboley expect kuri asey. Itu itia 8.72 metres asey.
President Vladimir Putin para government ke ekta special commission form kuriboley hudishey, Orenburg, Kurgan aro Tyumen regions dey itu flood logot deal kuriboley, Kremlin kuishey. Putin ke itu situation upar dey update kurina rakhishey, Kremlin kuishey.
Add Comment