Kyiv, July 2, 2026: Russia para ekta dangor hamla kure she, Ukraine laga capital te, Thursday laga rati te, kute eight manu mure she aro beshe manu jokhom pai she, thik President Volodymyr Zelensky para Moscow ke warn kurea piche.
Kyiv City Military Administration Tymur Tkachenko para koi she ki, hamla te eight manu mure she. City laga 28 jaga te hamla hoi she koi she, beshe toh manu thkea buildings khan te hamla hoi she.
Mayor Vitai Klitschko para koi she 34 manu jokhom pai she. Shevchenkivskyi district te, pasta health worker jokhom pai she koi she. Russia toh missiles aro drones khan cholai kena beshe sal karne Ukraine laga opor te hamla kurea ase.
Wednesday te, Mr. Zelensky toh, Dublin te para tara tari wapas ahe she, Russia para ekta dangor hamla kure bole ase laga jankare pa piche.
