“Russia laka strikes deh tosjun muri jai shae’: Volodymyr Zelensky

September 29, 2024: Saturday din deh Russian kan para Sumy laka border city deh taka ekta hospital keh strike kuri shae, kuto para tosjun keh murai di shae. Etu hua piche deh Ukraine laka President Volodymyr Zelensky para Moscow keh condemn kuri shae, hospitals laka upor deh war kura karne. Ukrainian interior Minister Igor Klymenko para Telegram deh liki shae, first strike para ekjun keh murai di shae kui nah aro hospital laka floors kan keh bangai di shae kui shae. “Patients laka evacuation time deh, dushman kan para aro strike kuri shae,” tai para kui shae. Sumy tho thik border laka jaka deh takeh, Russia laka Kursk region para. Tateh Kyiv para ekta surprise offensive launch kuri shae, August 6 din deh. “Russia kan Shahed drones chilai nah, city laka ekta hospital keh strike kuri shae,” Zelensky para telegram deh kui shae. Hamla tho St  Panteleimon Clinical Hospital keh lakai di shae, kuto officials para city centre deh ase kui shae. Officials para ura manu majo deh ekta tho nurse taki shae kui shae.