July 13, 2024: Russia kan, Australian keh accuse kuri nah ase, “Anti-Russian paranoia” incite kura karne. Russia laka accusation tho, Australia kan, espionage lokot deh ekta Russian born couple keh charge kura karne ase. Aro Russia kan enaka accuse kura tho, Prime Minister Anthony Albanese para Saturday din deh “kotha nakuri b” kui shae.
Sathi kura couple, kun kan lokot deh Australian citizenship ase, taikan keh arrest kuri nah ase. Arrest tho, Australia national security laka materials kan keh access kuri bo mun jah karne kam kuri ase kui nah charges deh ase. Hoile b dangor compromised hui shae, enaka eku identify kuri nah taka nai, Australian Federal Police para Friday din deh kui shae.
“Brisbane deh taka spouses, Kira aro Igor Korolev laka arrest deh, information bishi ase. Arrest tho spy kura laka koshish deh ase, Russia kan karne,” capital Canerra deh taka Russian embassy para kui shae. Etu statement tho taikan, Russia laka RIA state news agency keh kui shae, Friday din deh.
“Etu campaign kile kuri ase, etu tho jana kotha heh ase – yeteh anti-Russian paranoia laka nutun wave utha bo karne ase,” embassy para kui shae. Albanese, kun Saturday din deh reporters kan lokot kotha kuri taki shae, tai para Russia kan alak sovereign nation laka domestic affairs deh gusa tho ruka bole lakeh kui shae.
“Russia kan etu message lubo pareh, kotha nakuri b kui nah. Russia kan espionage deh engage kuri takeh,” Albanese para Brisban deh kui shae, ekta transcript laka isap deh.
Add Comment