Russia para notun Virus Vaccine deya soruh koishe

Moscow, Russia: September 10, 2020. Wednesday din Russia para volunteers khan logot Moscow te notun coronavirus vaccine deya soruh korishe, koikena capital laga  deputy mayor para junai thishe. Jaa moina, Russia para koishe ke, tai khan laga vaccine “Sputnik V” koikena, etu nam toh Soviet-era satellite 1957 saal te first bona nam thishe aro manishe koishe.“first manuh toh capital clinics te vaccine thishe” koikena Deputy Mayor Anastasia Rakova koishem aro tai para social development toh sai ase, statement para koishe. Vaccine project toh Russia’s sovereign wealth fund, Russian Direct Investment Fund para financed kora ase. Aro vaccine toh Moscow laga Gamaleya research institute aro Russian defence ministry melikena bonaise. High-profile Russians manuh neshina President Vladimir Putin laga chokuri, nationalist politician Vladimir Zhirinovsky aro Moscow Mayor Sergei Sobyanin, tai khan vaccine loikena ase koishe. Putin laga spokesman Dmitry Peskov para Wednesday din te koishe ke, “jodi president be vaccine toh loile, tai nejor para khbor thibo” koishe. Moscow city government website para koishe ke, capital para 40,000 neshina manuh khan vaccine  toh loboli parehbo, aro tawai toh tuita(2) hoikena 21 din lobo. Site koishe ke, vaccine laga “post-registration study” toh etai koriase. Rakova para janai thishe ke, 35,000 Muscovites khan para online te apply korikena ase. Moscow city’s website koishe ke, app para volunteers khan ke toh sai thakibo janai thishe. Russia para vaccine toh high-risk groups: medics aro teachers khan nemite be thiboli aro tai khan ke voluntary basis hoikena bhal para saboli koishe. Russia para koishe ke, hotai saal vaccine toh 500 million doses bonaboli dayar te ase. Russia te coronavirus bemari cases toh 1 million hoikena ase aro 18,305 manuh morikena ase koishe. Moscow te bemari cases toh olop moina hoishe ke, komti hoiase, aro Wednesday din te 642 notun cases paishe koishe.