Cairo, March 5, 2026: Russian flagged tanker kunto liquified natural gas bukhe thake she, phute jai she aro dube jai she Mediterranean sea te, North African country laga authorities khan para enia koi she Wednesday te. Aro Russia khan para Ukraine ke enzam hale she etu hamla karne.
Libyan Maritime Authority laga hesab te, Arctic Metagaz toh achanak para phute jai she aro jui lage jai she Tuesday te, LNG bukhea ship toh 240 km dur thake she Sirte laga Libyan city te para.
Tanker toh 61,000 ton LNG bukhe thake she, Libya aro Malta laga mochor te dube jai she. Sob 30 crew member khan ke bacha bole pare she, aro alak ekta ship te bukhe kena loi jai she Libyan city te. Russia laga Transport Ministry para koi she ki, tanker toh Ukrainian sea drones para hamla kure she. Ukrainian officials khan para etu opor te eku be koinai etia tuk.
Ukraine para poila hamla kurea khan Russia laga ship opor te, etu khan sob Libyan coast te para ahea ase koi she.
Add Comment