December 13, 2025: building khan kute Ukraine khan tai khan laga pharmacies laga saman khan rukhei. Russia khan para tateh hamla kurei ne sob bei kuredeshe.
Medical saman $200 million laga dam neshe na toh bei kuredeshe koishe duata hamla te. December aro October te.
December 6 te dangor ekta bulding kute Ukraine khan para dawai khan rukei ke na rakheshe, Dnipro city te. Russia khan para hawa para hamla kure kena bei kuredeshe koishe. $110 million laga dawai bei kuredeshe koishe. Aro etu toh Ukraine khan laga 30% monthly supply laga ase koishe.
Acting director-general of Pharmaceutical distributor BADM, Dymtro Babenko para koishe Russian khan Missile aro drone para hamla kureshe. Missile khan toh lage nai koishe hoile be drone khan toh lage she koishe. Etu karne jui olai she. Aro jui toh motabole dek dar hoi jaishe koishe. Building aro saman thakei khan sob bei hoi jai she koishe tai para.
BADM aro ekta company para Ukraine khan laga 85% pharmacies saman laga supply dei. Alak company toh Optima Pharm ase. Aro tai khan laga building te be tin bar hamla hoishe etu sal. 28 August, 25 october aro 15 November te.
Add Comment