Russia para US laka approval nata kile tho Ukraine kan Nord Stream keh hamla nakuri bo kui shae

August 16, 2024: Russian laka ambassador to Washington para Friday din deh tai, Ukraine kan Nord Stream gas pipelines keh hamla kuri bo kui nah biswas nai kui shae. United States laka tacit approval nataka takt ho. Tai para Russia kan, kun hamla laka pichae deh ase, taikan keh identify kuri nah punish kuri bo kui shae. Utu blasts kan karne kun b responsibility lua nai. Blast tho Bornholm laka Danish island deh hui shae aro system laka charth lines para teentha keh rupture kuri di shae. Thursday din deh Wall Street Journal para gas pipelines laka 2022 hamla tho Ukraine laka top military commander para approve kuri shae kui nah report kuri shae, U.S Intelligence Agency para Ukrainian President Volodymyr Zelensky keh hamla tho nakuri b kui nah warning di nah b. “Taikan laka Ukrainian puppets keh sob responsibility dib oleh bisari ase,” Russian Ambassador Anatoly Antonov para ekta statement deh kui shae, Nord Stream deh. “Bombing laka real perpetrators keh identify kuri kina taikan keh punish kuri bo.” Russia para Nord Stream deh hua hamla tho United States aro Britain para kuri shae kui nah ahi ase. Hoile b Washington aro London para utu allegations kan tho deny kuri shae.