Agencies, 11 August: Russia toh duniya te first desh hoise coronavirus dawai nemide dawai daiyari thaka. First wadai toh President Vladimir Putin laga maike bacha (daughter) ke deshe. President Putin para dangor civilian vaccination toh January 1, 2021 para suru kuribole plan ase koise. Russia para Tuesday te coronavirus dawai toh register korise aro etiya January 1, 2021 para civilian circulation te kushibole bhabona kori ase.
Russian Health Minister Mikhail Murashko para teachers aro medical workers toh first Cov id-19 dawai powa thakibo koise. Etu dawai toh Gamaleya Research Institute aro Russian Defence Ministry para melikena bona laga ase koise.
Russian Health Minister para janaideya hisaab te, Russia te Sputnik V coronavirus dawai toh tuita sites te bonabole ase. Etu sites toh Gamaleya Research Institute aro pharmaceutical company Binnopharm JSC ase.
Russian Direct Investment Fund laga head, Kirill Dmitriev para desh ke one billion doses laga dawai nemide requests ponjishe koise.
Russia para be pasta desh laga foreign partners logode melikena 500 million vaccine doses bonabo nemide daiyar ase koise. Russia para production capacity toh othabole plan kori ase.
Add Comment