Moscow: August 1, 2020. Russia laga health minister para koishe ke, October moina te coronavirus laga mass vaccination campaign thakibole ase aro etu vaccine laga clinical trials beche hobo koikena, Saturday din local news agencies para janai thishe. Health Minister Mikhail Murashko para koishe ke, Gamaleya Institute tuh Moscow te state research facility ase aro tai khan vaccine laga clinical trials tuh kotom hoishe aro paperworks tuh register kuriboli kam kuriase koikena Interfax news agency para khobor thishe. Tai aro koishe ke, doctors aro teachers khan ke vaccine tuh first thibo. “ami khan October moina te tangor vaccination kuriboli plan ase” Murashko para koishe. Etu hafta Source ekta para Reuters logot koishe ke, Russia laga first COVID-19 vaccine tuh secure hoikena August moina te local regulatory approval kuribo aro etu beche health workers khan para kam tuh saboli koishe. Gamaleya laga institute para adenovirus-based vaccine te kam kuriase. Russian Direct Investment Fund laga head, Kirill Dmitriev para koishe ke, Russia para vaccine be bona boli parishe aro aro Soviet Union’s 1957 saal te Sputnik 1 be olaishe, Duniyaa laga first satellite. Saturday din, Russia te novel coronavirus para 95 manuh mora aro khobor paishe, etu sob melaikena 14,058 morikena ase. Officials khan para 5,462 notun bemari cases report paishe, sob melaikena 845,443 bemari cases hoikena ase. COVID-19 bemari ke rokaboli nemite Duniyaa phur te 100 beshina vaccines bonai ase koishe.
Duniyaa te chata(4) nehina vaccines tuh final Phase III human trials hoiase koikena World Health Organization para koishe (WHO), etu pithor te tinta(3) tuh China te ase aro ekta Britain te ase koishe.
Add Comment