Moscow, 23 November : Ekta Russian actress ke murai dishey ekta Ukrainian attack dey Russian troops karney perform kuri thakia homoi eastern Ukraine laga Russian-controlled jagah dey tai laga theatre hisab dey. Itu Russian theatre kutey actress Polina Menshikh, 40, kaam kuri thakishey kuishey tai stage dey perform kuri thakia homoi murai dishey Donbas region dey.
Reuters para details verify kuribo parianai itu ghatna laga huilewi military officials tuita side dey para bhi confirm kurishey ki ekta Ukrainian attack thakishey itu jagah dey Nov. 19 dey.
Ekta Russian military investigator kunke Russian state television para quote kurishey kuishey ki ekta school aro cultural centre ke HIMARS missiles para maarishey ekta bosti dey village Donetsk region dey kuntu Kumachovo kuina jaaney aro Ukrainians para Kumachove kuina jaaney, front line para 60 km (37 miles).
Itu investigator kiishey ekta civilian, kun laga tai agey eku kuanai, murai dishey huilewi military casualties laga eku kuanai. Itu Russian defence ministry para comment maana kurishey aro eku casualties janai dianai taikhan laga attack para.
Ukrainian commanders kuishey taikhan laga maarishey kuntu taikhan kuishey ekta Russian military award ceremony thakishey, Russia laga 810th Separate Naval Infantry Brigade target kurina.
Robert Brovdi, ekta Ukrainian military commander, kuishey ekta post dey social media dey ki 25 manu ke murai dishey itu strike dey aro 100 laga upar jokhum huishey.
Unverified video footage, pro-Russian Telegram channels dey dikhaishey sepoi khan Menshikh stage dey gaana gai thakia ekta guitar logot Russian military taikhan laga missile aro artillery forces khushi manai thakia homoi.
Add Comment