Tennis khelari khan Russia aro Belarus para ahia manu khan etu saal laka Wimbleton khelibo naparibo Moscow khan Ukraine lokot hamlah kura karneh, Grand Slam laka organizers All England Lawn Tennis Club (AELTC) Wednesday din teh kuishe.
Etu moina teh, AELTC khan kuishe tai khan British government lokot kotha kurishe Russia ar Belarus laka khelari khan khe grasscourt Grand Slam teh khelibo dibo nanai kuinah. Tai khan buji ase manu khan khe dukh deh karneh aro mun dukh ase tai khan laka leaders karneh tai khan dukh teh buhibo kuishe Ian Hewitt, Chairman AELTC statement teh kuishe.
Hewitt kuishe AELTC khan alak rastah bisariboleh UK Government laka guidance teh.
Russian khelari khan opor teh bon kurina thaka teh world number two Daniil Medvedev aro Andrey Rublev ranked eight khelibo naparibo men’s draw teh.Anastasia Pavlyuchenkova 15th teh ase Womens’s ranking teh.Belarus toh key staging area ase etu hatsah karneh, aro Russia khan etu khe “special military operation” kuishe. Women’s world number four Aryna Sbalenka aro two-times Grand Slam champion Victoria Azarenka Belarus laka khelibo napara huijabo.
Tennis governing bodies khan Russia aro Belarus khe international team competition teh para ban kurishe invasion piche teh. Individual players khan contractors ase aro bishe jun tai khan laka country teh nabuhe. Russian aro Belarusian players khan khelibole dishe tours teh hoilehbi tai laka country laka naam aro flag luina kheliboleh manah kurishe. Russian Tennis Federation President Shamil Tarpischev kuishe country laka Sport Express newspaper khe tai khan eku kuribo naparibo kuinah.
Tai laka bhapna teh etu hokom toh galti ase hoilehbi tai khan eku kuriboleh napribo kuishe, Tarpischev. Russian Tennis Federation khan ki kuriboleh pari thakishe kurishe, tai etu kotha kuriboleh mun nai huishe kuishe hoilehbi etu hokom toh athletes khan laka khushi teh nai kuishe. Wimbledon khan athletes khan khe ban kureh nai World War Two piche , tateh Germany aro Japan laka khelari khan khe khelibo deh nai.
Add Comment