Russian chess champion para rival keh poison kuri bole koshish kuri shae

August 9, 2024: Ekta shocking incident deh, ekta chess player, chessboard aro taila opponent laka chess piece deh kiba ekta dala capture kuri shae. Allegedly Russia champion, Amina Abakarova para mercury dali shae kuto para taila rival laka matha keh gura bole di shae. Dailymail para Amina Abakarova laka video ekta share kuri shae kuteh tai act tho kuri taki shae. “Russian chess champion Amina Abakarova keh CCTV deh dura kai shae. Tai taila rival keh poison kuri bole koshish kuri taki shae. 43 sal keh accuse kuri nah ase, 30 sal laka Umayganat Osmanova laka chess board aro piece deh mercury dala karne. Dala tho Osmanova dizzy feel kura shuru hui shae, tournament shuru hua piche deh, Osmanova tho hospitalized hui shae aro Abakarova laka hath para title tho chini di shae,” outlet para kui shae. Video deh, Abakarova tho ekta room laka pitor deh taki shae kuteh chess boards kan players karne saba para arrange kuri nah taki shae. Tai olop karne agae pichae sai taki shae aro ekta table deh rukhi jai shae. Rukhi nah tai chessboard aro pieces upor deh kiba ekta dala diki shae. Tai room laka bahar jah piche deh video tho kotom hui jai shae.”