Russian hamla pra at least 25 jun ke murai dishey, Ukraine pra koishey

Ukraine, 9 March 2025:  At least 25 manu ke murai dishey Ukraine te Russian hamla laka latest wave te, Ukrainian officials khan pra koishey, Jakara toh eku khotom hwa laka sign nai. Donetsk Region te ekta hamla pra at least 11 manu ke murai dishey aro 40 jun ke jokom kuri dishey, cheita bacha ke milai kina, local officials khan pra Saturday din te koishey. Ghor aro buildings khan ke lagai dishey alak regions te, Kharkiv aro Odesa te milai kina. Russian hamla toh aro biya hoishey recent din te, US khan military aid aro intelligene-sharing rukhai dishey Kyiv lokot. Last week’ Oval Office te clash hoi kina President Donald Trump aro Ukraine’s Volodymyr Zelenskyy bitor te. Latest Russian Strikes pichideh, Polish PM Donald Tush pra koishey: Etu khan hoi kicha manu pra barbarians khan ke appease kureh. Ekta social media post te koishey, bishi bombs, bishi aggression aro bishi victims. Etu deadliest hamla toh late Friday din te hoishey Donetsk Region town Dobropillya laka. At least 11 manu ke murai dishey kicha duita ballistic missiles eighta residential buildings ke mari dishey aro ekta shopping centre, officials khan pra janai dishey. Emergency services khan puncha pichideh, Russia kan aro strike launch kuri shey rescuers khan ke target kuri kina, Zelenskyy pra Telegram post te enika koishey. Etu hamla pra dikhai ase kina Russia laka goals toh echa b change hwa nai, enika koishey.