Russian missile hamla deh sath jun muri jai shae

June 30, 2024: Saturday din deh Russian forces kan Vilniansk laka town deh missiles kan fire kuri shae aro etu hamla para sath jun keh murai di shae aro alak 31 jun keh jokom kuri di shae. Mura manu deh tuita tho bacha kan taki shae, officials para kui shae. Viniansk laka town tho Zaporizhzhia laka southeastern Ukrainian city deh ase. President Volodymyr Zelensky para taila allies kan keh bishi par appeal kuri nah ahi ase, Ukraine keh aro long-range weapons aro enhanced air defences kan di b kui nah. Tai para etu kan tho, taila country deh hua daily hamla kan keh rukha bo karne ase kui shae. Ukraine laka Presecutor General Andriy Kostin para tuita missiles tho town deh fire hui shae kui shae aro etu para infrastructure, ekta dukan aro residential buildings kan keh damage kuri shae kui shae.