Moscow, Russia, 6 May : Ektq Russian mota, Ukraine laga behalf dey tuita court building phutai diwoley kosis kuria accuse kurina, terrorism logot detain aro charge kurishey, Russia laga FSB security services para Monday dey kuishey.
Moscow para tui saal agey dey Ukraine dey troops pathai piche dey para luina Russian territory dey sabotage attacks laga dozens report kurishey, itu khan bishi pak Kyiv aro itu laga supporters ke podnam dishey.
Itu shaaks, tai laga mid-forties dey, Tambov laga central sheher dey ekta railway station osor construction waste dey ekta aanjan cheez rakhi thakia dhuri luishey, FSB kuishey.
Itu cheez ke piche dey inspection kurina jaani paishey ki itu toh tuita homemade explosive devices thakishey, kuntu itu mota para sheher dey tuita court buildings osor dey detonate kuriboley kosis kuri thakishey.
Taike ekta security guard para detain kurishey kun itu jagah dey ahishey, aro Federal Security Service laga operational aro investigative team ke madishey.
FSB laga hisab dey, itu shaaks toh regularly pro-Ukrainian websites visit kurishey aro itu saal agey dey Ukrainian special services para itu attack carry kuriboley recruit kurishey.
Ukraine para regularly Russia pitor dey itu sabotage attacks laga responsibility maana kuri asey, ulta internal unrest aro domestic opposition ke point kuri asey, kitia itu ladai itia third saal dey asey.
Add Comment