MOSCOW: Russian Antonov An-28 passenger plane komti hoilebi 17 manu khan thurikena thaka toh Friday din te harishe etu bi Siberian region Tomsk te jaa samay te.etu khobor toh Russian news agencies para local officials kuwa te koikena janaidiya thakishe.
Etu flight Kedrovy Tomsk region para thaka toh regional capital Tomsk te komti hoilebi 13 para 17 passengers khuan majhotte thurikena thakishe.etu TASS aro RIA news agencies para kuwa te local officials para koikena janaidiya thakishe.
Etu reports toh dui haafta pichede ahise etu bi enika nishena aircraft Antonov An-26, toh cliff te gira pichede thik para sabole napara nimete remote Kamchatka peninsula in Russia’s far east, te etu para 28 manu etu te thaka toh murishe.
Antonov-28, etu eki nishena plane toh harikena ase tomsk te Kamchatka forest te lagaidishe 2012 te etu bi ekta crash kuntu para 10 jun ke muraidishe .chanbin kura manu para koikena janaishe etu dui jun pilots bi modu khaikena ase etu crash huwa samay te.
Russian aviation safety standards toh bhal hoishe olop sal akhe te hoilebi accidents khan etu te planes khan dur jaka te thaka toh emanu huwa nathaka ase.
