December 5, 2024: 15th VTB Russia Calling Investment Forum deh President Vladimir Putin para Prime minister Shri Minister Modi laka “India-first” policy aro “Make in India” initiative keh praise kuri shae. President Putin para India laka koshish, kuto growth karne ekta stable environment bana bo karne ase, etu keh acknowledge kuri shae. Tai para etu policies kan kinaka India laka development karne contribute kuri shae, etu deh kotha kuri shae.
“Make In India” initiative tho manufacturing boost kuri bole aro foreign investment tani bo karne aim ase. Etu initiative para global economy deh India laka position kara kuri bole ekta key role play kuri shae. President Putin para India laka economy, kinaka, PM Modi laka leadership pitor deh agae jai shae,e tu deh kotha kuri shae. Tai para Indian government aro taikan laka kam keh praise kuri shae, small aro medium sized enterprise (SMEs) karne stable conditions banai shae kui nah.
President Putin para Russia laka import substitution program aro India laka “Make in India” initiative majo deh similarities banai shae. Tai para Russia kan India deh manufacturing operations establish kuri bo mun jai kui shae. India deh investment kan tho profitable ase, tai para kui shae.
“Prime Minister Modi lokot deh b ekta eki nishi nah program ase, kuto laka nam “Make in India” initiative ase. India deh mukan nijor laka manufacturing operations set up kuri bole mukan ready ase. Tai para Russian company Rosneft para olop agae deh $20 bn invest kuri shae kui shae, country deh
President Putin para BRICS nations laka majo deh cooperation aro bhal taki bole hudi shae, SMEs laka growth keh support kuri bo karne aro aha summit laka collaboration karne key jaka kan identify kuri bole hudi shae, member countries kan keh.
“Mui ami laka BRICS colleagues kan keh current situation tho sab oleh hudi ase, cooperation laka key jaka kan deh. Aro mukan etu tho mukan laka Brazilian counterparts lokot deh ani bo, kun kan aha sal deh BRICS tho lead kuri bo,” tai para kui shae.
Add Comment