January 21, 2024: Ekta Russian private jet kuto choitha manu keh buki taki shae, etu jet tho rural Afghanistan laka ekta remote jaka deh giri shae kui nah biswas ase, authorities para kui shae Sunday din deh. Crash tho Saturday din deh hui shae ekta mountainous jaka deh kuto Badakhshan province laka Zebak district osor deh ase, regional spokesman Zabihullah Amiri para kui shae. Zebak tho Afghanistan capital Kabul para 250 kilometers dur ase northeast deh, tateh hazar nishi nah manu kan buheh.
Badakhshan police chief laka office para crash laka report tho ekta statement deh confirm kuri shae. Moscow deh, Russian civil aviation authorities para ekta Dassault Falcon 10 hari jai shae kui shae kuto chartha crew members aro tuita passenger taki shae. Russian-registered aircraft tho communicate kura ruki jai shae aro radar screens para hari jai shae,” authorities para kui shae. Foreign Ministry spokeswoman Maria Zakharova para Afghanistan deh taka Russian Embassy kan local officials kan lokot kam kuri ase kui shae incident deh.
Russian officials para plane tho Athletic group LLC aro ekta private manu laka ase kui shae. Associated Press kan plane laka owners kan lokot kotha kuri bole para nai. Taikan para Falcon 10 kuto crash hui shae, etu plane tho 1978 deh banai shae kui shae.
Add Comment