Moscow: October 1, 2020. Siberia te Russian scientist ekta para China logot technology thiya nemite thurishe koikena, Thursday din Russian media para khobor janaishe. Alexander Lukanin, 64 umer, Siberian city of Tomsk laga scientist ase, tai ke Tuesday din China para wabas aha beche thurishe. Tai toh local university te kam kori thakishe, MBKh Media para koishe. Etu media toh Kremlin critic Mikhail Khodorkovsky para ola laga ase. Lukanin thaka chaka toh FSB security service para check korishe, hoikena MBKh Media para aro koishe. Thursday din te, Lukanin laga email address te message puta toh jawab kora nai. Aro etu samay Russian aro Chinese authorities para eku khobor thaka nai. Russian law, hesab te, dosura foreign desh logot illegally transferring technology korile, 3 saal nemite jail ase koishe. Interfax news agency koishe ke, Lukanin para China logot technology share kora nemite thurikena ase. Poila saal te, Russian scientists khan besi dosura foreigners logot sensitive khobor share kora nemite jail jaikena ase, etu oper te Chinese manuh logot be thikena ase koishe. February moina te, Valery Mitko scientist ase, tai para Arctic Academy of Sciences in St. Petersburg laga head hoikena thaka, China logot state secrets deya nemite jail jaishe. Lukanin aro Mitko khan China te jaikena university te kam koriase.
Add Comment